وهيبة خرشيش تتأمر مع أعداء الوطن ضد المغرب

المنبر المغربية :

ها لي قالت الشوافة، الناس لي متعبين هاد القضية غادي يعقلو نهار قلت غادي تشخض ديال بصح بين نورزينو و الباطرونة وهيبة وفعلا هادشي لي وقع لبارح في آخر ظهور لنور زينو و لي ضرب أحسن طر للهاربة من العدالة وهيبة خرشيش بالدليل القاطع، و كيتبت فيه ان السيدة خائنة من الطراز الرفيع.

وكيما سبق و قلت فالمقال السابق لوهيبة خرشيش راه مكنقولوش لواحد يلا عرفناه جيب ليا معاك العكر الفاسي، ويلي ياحبي راه كنقولوها غير لناس لي شركنا معاهم الأسرار و الفضايح و المخططات، الناس لي كنحطو عليهم الراس و لي أصلا طريقة كلامك معاه كتنم عن عشرة قديمة ومقربة، ولا صافي دغيا بغيتي تمسحي السما بليكا و تنكري الحب و العمر ديالك نور زينو.

المهم التسجيلات لي خرج بيهم لبارح أنور الدحماني عراو على الوجه الحقيقي ديال الخائنة و العميلة الجزائرية وهيبة خرشيش، والوجه البريئ والمحترم لي كانت تخرج بيه فيوتوب باش تستعطف بيه الناس أقل حاجة نقدر نقول عليه هو أنه دبا تشوّط من ورا دوك التسجيلات لي كانت كتحرض فيهم نور زينو باش يسب البلاد و المغاربة و حتى الملك، و ديك جلابة العفة و الدين لي كتغمق بيها على الناس ولي أصلا تقطعات ورا الفضيحة ديال مسيح المصاصط زادت تفردكات من ورا داك الاديو لي كيأكد فيه بنسديرة تواصل ديالو مع الهاربة.

والحصول أسيادنا، ظهر الحق و زهق الباطل إن الباطل كان زهوقا، وهادشي لي ماقدراش وهيبة و الأشكال ديالها يستوعبوه  راه حبل الكذوب قصير، طير تا تعيا و تحصل الناس كانو يقولو مسكينة دخلات سوق راسها و عطات بتساع لهاد الشي و السيدة جالسة كتستقطب فالناس و تحرض فيهم و تقاد ليهم الطرقان كيفاش يغطيو و يدافعو على الكذوب ديالهم بطرق شرعية وحقوقية، ماكذبش لي قال مادوزش على الواد سكوتي، وحكا ما حكا جالسة تغسل لسيد فدماغو انت إنسان مثقف عندك ماتقول تبارك الله كبر القناة، أبشع أنواع تبياع العجل والإستغلال و التوريط هي هادي ماكفاكش الهروب و التخابر دزتي الإستقطاب قبح الله سعيك و هانت جبدتي عليك النحل فكها يا من وحليتها، و خلي بنسديرة عميل الكابرانات ينفعك.




قم بكتابة اول تعليق

أترك لنا تعليق

لن يتم نشر بريدك الالكتروني في اللعن


*


30 − 24 =