المعطي منجب قرر يدير إضراب عن الطعام رقم 10 فالتاريخ ديالو.
الإضرابات عن الطعام ديال المعطي حيرو الأطباء والعلماء حيت المعطي ما كيمرض ما كيموت ما كيتعطب. ديما تيخرج منهوم صحيح فصيح. هاد المرة المعطي ختار التوقيت المناسب.
عندو الجنسية الفرنسية و عندو التعليمات ديال ماما فرنسا والدعم ديال وليدات فرنسا و عندو قرار البرلمان الأوروبي وزيد وزيد. إنما قبل ما يدير الإضراب هاد المرة المعطي قرر يتاصل بالأستاذ زيان باش يتشاور معاه حيت وزير حقوق إنسان سابقا و آخر واحد دار إضراب عن الطعام light و غادي يفيدو كيفاش يمكن ليه يروج لهاد الإضراب عالميا و يضر المغرب إعلاميا وسياسيا ووو.
زيان كان متكي فالسيلون ديالو داير رجل على رجل كيكتب رسالة احتجاج شديدة اللهجة للتامك لي أول مرة كيرفض لزيان واحد الطلب.زيان كان طلب يمشي نهار 8 مارس لجناح لعيالات فالعرجات باش يحتافل معاهم بعيد المرأة. التامك جاوبو قاليه إلا هادي لا.
المعطي: أستاذ زيان صباح الخير معاك الأستاذ المعطي منجب.
زيان(منفخ): أهلا عاد تفكرتيني. ياكما جابوك حدايا ف العرجات؟
المعطي: لا أنا مازال ما تشديتش داكشي علاش بغيت ندير إضراب عن الطعام نضغط به على المخزن. باش تنصحني أستاذ.
زيان: قبل ما نجاوبك بغيت نسولك كيف دايرة ديك “لْبْنِيَّة” السرية؟
المعطي: أنا خدام كنفضح فيها وكنشوه فيها غير كون هاني.
زيان: صافي تخاصمتي مع عفاف واش هي لي فضحاتك ولا نتا لي فضحتيها؟
المعطي : شنو كتقول شنو جاب عفاف للهضرة ؟ علاقتي مع عفاف مزيانة لدابا.
زيان : وعلاش قولتي راك خدام كتفضح فيها؟.
المعطي: أنا جاوبتك على البِنية السرية مالك تالف؟
زيان: ولا يا المخلوض أنا سولتك على لْبْنيَّة السرية يعني البنت لي هربتي بطريقة سرية لتونس يعني لالة عفاف.
المعطي: سمح ليا سي زيان السمع ديالي ناقص. أنا حساب لي سولتيني على البنية السرية يعني المخزن والمخابرات و ماجاورهما.
زيان: خلينا من خرايف جحا أ سي المعطي. ماكاين لا بنية سرية و لا عبو الريح. شحال عزيز عليكوم تهضروا بالأسرار…مرة الحزب السري مرة البنية السرية وفلخر حنا لي كنفضحو راسنا ب يدينا. راه ما كاين حتى فرق بيني وبينك غير أنا تشديت ونتا مزال سالت؟
المعطي: كيفاش أنا بحالي بحالك؟
زيان: نتا هرَّبْتي عفاف و أنا هرّبْت وهيبة. نتا مرضي فرنسا حيت عندك الجنسية ديالها وأنا مسخوط سبانيا حيت ماخديتش الجنسية ديالها. نتا عرفتي تبيّض فلوس الجمعيات فالأراضي والعقارات ونا فلوسي مشاو فشرابات و الكادوات والصوبيصات..و حنا بجوجنا ولاد المخزن غير نتا كتاكل لفلوس على ظهرو بلكدوب وأنا كليت حقي معاه حتى شبعت.
المعطي : أنا تاصلت بك تنصحني كيفاش ندير إضراب عن الطعام و نتا بارك كتفرش فيا حشومة عليك.
زيان: عقنا بالإضرابات عن الطعام ديالكم. نتا يالمخلوض كتدير إضراب غير على الطْعَام (كسكسو) و كتسرط كولشي را ماكدبوش عليك منين سماوك كذاب و مول الجيب.
المعطي : ها نتا كتهضر بنفس لكلام ديال البنية السرية..
زيان(غضبان): دخل سوق مخك و سير بعد من البنية السرية..خليك غير مع العادة السرية. أنا معرفتش كيفاش نتا كتعرف طن و نص ديال لعيالات وما عمرك ما حصلتي لا فدار ولا فاوطيل ولا فطوموبيل ماشي بحالي أنا. بالحق أنا هو الراجل فيكوم فينما مشيت داير الشوهة ولفضايح مع لعيلات و لكن بوجهي حمر.
المعطي : إذن بلا ما ندير لا إضراب عن الطعام ولا غيرو؟
زيان: لا لا غير ديرو ديرو باش تقاد الفورمة بحال الريسوني ولعروبي د مريكان و زيد وزيد. كون راجل و دير إضراب عن الطعام و دير لايف من الدار ديالك يتبعوك الناس يوميا واش فعلا كتاكل أو لا. وأنا غادي ندير طلب ل سي تامك يركب لي كاميرا var نتبعك من سيلون ديالي. يالله كون راجل.
المعطي منين صدمو زيان قطع عليه التلفون وبقى كيفكر ف كلام زيان علاش تيقول ليه كل مرة كون راجل كون راجل…المعطي المخلوض جاتو فكرة جهنمية مرعبة و مدمرة لسمعة المغرب.علاش ما تنوبش عليه عفاف وتدير إضراب عن الطعام فأمريكا…إلى ماكانش الخير ف وهيبة يكون ف عفاف الرهيبة..(يتبع).
المنبر المغربية : المغرب ميديا
قم بكتابة اول تعليق