العدلاوي باعسو يبعث برسالة الى نساء الجماعة بمناسبة عيد المرأة

المنبر المغربية :

لاشك ان جماعة العدل و الاحسان المحظورة  أو مايسميها بعض النشطاء بجماعة الخزي و الهوان ، أخرست لسانها على  الفضيحة الجنسية التي وقعت بالمدينة الشرقية وجدة ،  و التي كان بطلها  قيادي من الجماعة المذكورة و الذي ضبط متلبسا و هو يمارس الرذيلة مع امرأة متزوجة.

الجماعة هذه المرة وجدت نفسها امام الامر الواقع حاصلة حيت مالقاتش كيفاش تكدب على المخزن وتقول أن الملف مفبرك ومنمق وملفق كيف موالفة كدير. الجماعة عطات حمارها وخلات القيادي ديالها لي حصل ولي سميتو (مصطفى.س) يدبر محاينو. هاد مصطفى غير دخل للحبس ديال وجدة تاصل بالتلفون بالسي باعسو القيادي العدلاوي لي مشدود فالحبس ديال مكناس على الفساد الجنسي و بغى يتشاور معاه كيفاش يخرج من الورطة لي فيها ويولي حتى هو معتقل سياسي.

مصطفى : الأستاذ باعسو السلام عليكم. معاك خوك فالجماعة (مصطفى.س) ديال وجدة كيف أحوالك أستاذ؟.

باعسو : أهلا بالمسؤول التربوي ديالنا. كيف أحوالك وأحوال الجماعة ديالنا فجهة الشرق العزيزة؟.

مصطفى : القضية محزوقة أستاذي. راني مشدود كنعيط ليك من الحبس ديال وجدة.

باعسو: مشدود؟ واش باقي المخزن كيشدكوم على النصيحة والتربية فضيحة هادي وهدا راه اعتقال سياسي بحالي.

مصطفى: سمح لي أستاذي أنا عندي اعتقال جنسي أنا مشدود بتهمة الفساد.بحكم المنصب ديالي كمسؤول تربوي فالجماعة كونت فواحد الدرس خصوصي ديال التربية الجنسية و لفقو لي التهمة ديال الفساد.

باعسو: وهاد الدرس ديال التربية الجنسية فين درتيه؟

مصطفى: فالفراش ديال واحد السيدة مزوجة كنت معاها فحصة تطبيقية حتى وقفو علينا.

باعسو: آه كيف ديما المخزن اللعين. هذا عمل مفبرك و لا يجب السكوت عليه.

مصطفى: لا سي باعسو راجلها لي وقف علينا كان متبعنا وحاضينا من زمان حتى حصلنا فحالة التَبَوُّس عفوا بغيت نقول التلبس.

باعسو: غادي يكون راجلها فالمخزن إما عسكري أو بوليسي أو مقدم أو جدارمي…المهم يد المخزن كاينة يعني عملية مخزنية ملفقة.

مصطفى: لا سي باعسو راجلها سيفيل (civil) ما عندو علاقة بالمخزن وطلع ولد لحرام مابغاش يدير لمراتو التنازل ماشي بحال الناس ديالنا كيتنازلو لبعضياتهوم احتراما لشعار الجماعة
“انصر أخاك ناكحا أو منكوحا”.

باعسو: ومالك عليها ما لقيتي غير امرة مزوجة خليك غير مع زوفريات ولمطلقات ولمقهورات بحالي.

مصطفى: وياه أنا غلطت. سي العبادي كان جمعنا هنا فوجدة و قال لينا حرفيا (نتمنى تكون الفضيحة ديال باعسو هي الأخيرة لي غادي نمسحوها فالمخزن. أنا عييت ما ندرق عليكوم واش هاد باعسو ما خلا حتى وحدة فالتيقار لا زوفرية لا مطلقة حشومة عليه). شوف أسي باعسو منين الأستاذ العبادي ما جبدش لمزوجات قلت مع راسي راهما حلال عليا داكشي علاش طحت مع مرات الراجل.

باعسو: قول ل سي العبادي راه غير كيخرف وخاصو يشوف لينا حل فهادشي ديال الجنس. بنات الجماعة الصغارات ولاو كيفضلو علينا دراري ولاد الوقت. عيالات الجماعة تحلو ليهوم العينين ف القاعات ديال المساج و الرياضة و manicure و pedicure ومبقاوش كيشوفو فينا ولينا كنبانو ليهوم بحال الإنسان القديم..يدير لينا حل واش نبقاو بلاش.

مصطفى: فعلا أنا متافق معاك %100. الوقت تبدلات والكبت زاد عندنا فالجماعة را لقيتيني كنوجد كتاب تربوي جديد سميتو الجنس أو الطوفان غادي نفضح فيه كولشي ونقتارح فيه حل جذري للكبت الجنسي عندنا ماشي عيب يديرو لينا هياكل جديدة مثلا “مجالس الجنس” أو ” الصحبة وتصاحيب”. العالم يتغير وحنا لا مايمكنش.

باعسو : كاينة عندك الصح حتى أنا لقيتني كنوجد رسالة عبارة عن نقد ذاتي سميتها إلى من يهمها الأمر وهي رسالة موجهة للأخوات فالجماعة بأن الأسبقية والأولوية لينا حنا. يتهلاو فراسهوم يديرو الرياضة يديرو الماكياج والمساج يتبرجوا و يتحجبوا ولكن الأولوية فالفساد لينا حنا رجال الجماعة..وغادي نطلقو هاشتاغ سري #خيرنامايديه_غيرنا والسي بناجح يتكلف بالترويج له إعلاميا.

” مصطفى “: و هو كذلك سي باعسو وهو كذلك السلام عليكم.




قم بكتابة اول تعليق

أترك لنا تعليق

لن يتم نشر بريدك الالكتروني في اللعن


*


61 − 52 =