كاريكاتير | كانْ يا مكانْ وهيبة وعشيقها زيانْ

المنبر المغربية :

وهيبة خورشيش عاشقة فن العيطة، لي فواحد  الوقت بغات تدير فيها خربوشة قبل ما تولي حاصلة مع الفضيحة ديال زيان و دابا كمل عليها نورزينو..منين تشد زيان وهيبة حماقت وولات كتضور ف زناقي و دواور ديال نيويورك فطاكسيات بويض. واحد نهار كانت وهيبة كتقول الزجل ف زيان قدام واحد الكاباري حتى وقفات عليها واحد المغربية حتى هي مقطعة و متشردة ف فمريكان سميتها عفاف…هاد عفاف لي حتى هي كتعرف زيان سمعات لهاد القصيدة  كتباتها وسيفطاتها لجريدة الواشنطن بوست باش ينشروها..قالت ليهوم أنا من طرف لمعيطي…إليكم القصيدة:

كانْ يا ماكانْ فهادْ الزْمانْ

راجلْ كبيرْ ف العمرْ  سْميتو زيانْ

قليلْ الخيرْ وسليطْ اللسانْ

كانْ فواحدْ الوقتْ عندو القيمة والشانْ

كانْ محامي..كانْ وزيرْ ف حقوقْ الإنسانْ

المخْزنْ  مْهلي فيهْ و لفْلوسْ داخْلة مزْيانْ

ديورْ و طوموبيلاتْ فيلاتْ وكيرانْ

سي زيانْ غرقْ فالسْهيرْ والدورانْ

الزهو والنشاطْ و كاسْ و كيسانْ

ماضْربْ حْسابْ ل عْقايبْ الزْمانْ

ما خاف تدورْ الوقتْ و يولي ف خبرْ كانْ

وجاتْ الساعة و سالا وقتْ زيانْ

المخْزن عندو ناسو

لكلْ وقتْ ولكلْ زمانْ

زيانْ ماتْسرْطاتشْ ليهْ..ما بْقا وزيرْ ما هو فالبرْلمانْ..

تلفْ وعطاها للشرابْ..الزْناقي والدورانْ

المحامي ولى سوقو خاوي لا   affaire لا كْليانْ

النْهارْ كاملْ جالسْ ف المكْتبْ يْنشْ الدبانْ

خونا فكرْ يولي مناضلْ بلا فلوسْ و ب لي كانْ

تْلصقْ ف ناصرْ و توفيقْ .. الراضي  وسْليمانْ..

و مْنينْ ما عبْرو  حدْ  وتسدو عليهْ البيبانْ

قلبها معاطيا ومعيورْ و سبانْ

ما بقى فيهْ غير تخراجْ العينينْ   ولكدوبْ واللْسانْ

هاكذا صارْ حالو حتى ولى ساكنْ فالبورْديلاتْ والبيرانْ

يغمزْ لعزْبةْ مولاتْ السيقانْ

و يدي لمزوْجات صحابات لقيعانْ

ما فاقْ حتى لقى راسو واحدْ نهارْ عريانْ

دارْتها بيهْ الزينْ ولاطايْ لي هرباتْ ل مريكانْ

زيانْ حماقْ ومشى ل زمورْ يدقْ  ف البيبانْ

الرجالْ والنسا تابعينو بالحجرْ و الصبيانْ

فينْ وهيبة..فينْ مولاتْ الشانْ والمرشانْ

فينْ لي ضحكاتْ عليا  وخلاتني زبطْ وعرْيانْ

فينْ  لي شمتاتْ فيا صحابْ ولحبابْ ولعديانْ

فين لي رجعاتني سبعْ بلا مخالبْ بلا سنانْ

علاشْ تقلبْ عليا الزمانْ..علاشْ يضحكو عليا الرجالْ و لغلمانْ

أنا دابا متايبْ الله  العظيمْ الرحمانْ

يغفر لي ما درتْ من ظلمْ وطغيانْ

وما قلت من كدوبْ و زورْ و بهتانْ

وما زنيتْ مع لعزباتْ و مع عيالاتْ الرجالْ فلانْ وعلانْ

أنا  دابا ف لعرجاتْ ماكاينْ غير الصلا  والقرآنْ

خرايفْ جحا مشاتْ الله ياخدْ الحقْ ف لغربانْ

لي زطموني وبيْعوني لعجلْ من زمانْ

زكريا،حاجبْ، دنيا و عدنانْ

و دابا كمل عليا نور زينو

وفضح داكشي لي كنا مخبيين من زمان

دعيو معايا يا لمغارْبة بالثوبْة و الغفرانْ

وسمحو ليا كنتْ غادي ف الفسقْ ولكدوب ودابا راني فالخسرانْ




قم بكتابة اول تعليق

أترك لنا تعليق

لن يتم نشر بريدك الالكتروني في اللعن


*


4 + 6 =